Добры дзень!
Запрашаем на прэс-урок сацыяльна-адукацыйнага праекта «Чытаем па-беларуску з velcom», які пройдзе 15 сакавіка ў 11:30 у Оршы. Правядзе заняткі у родным горадзе вядомая беларуская спартсменка Аліна Талай. Разам са спартсменкай настаўнікамі для аршанскіх школьнікаў стануць вядучы «Падарожжаў дылетанта» Юры Жыгамонт і дзіцячая пісьменніца Алена Масла.
Арганізатары праекта: кампанія velcom пры падтрымцы Міністэрства адукацыі Рэспублікі Беларусь.
«Чытаем па-беларуску з velcom» - гэта сацыяльная ініцыятыва па папулярызацыі беларускай мовы і літаратуры. Вучні 2-3 класаў падчас урокаў не толькі пазнаёмяцца з сучаснай беларускай мовай і літаратурай, але і атрымаюць практычныя лінгвістычныя навыкі ў захапляльнай форме.Пастаянныя настаўнікі праекту «Чытаем па-беларуску з velcom»: беларускі дзіцячы пісьменнік Уладзімір Ліпскі, паэтка Раіса Баравікова, пісьменніца-казачніца Алена Масла, паэтка і публіцыст Таццяна Сівец, а таксама вядомы беларускі акцёр і тэлевядучы Юрый Жыгамонт.
Прэс-рэлізы і фота пра ўрокі сацыяльнага праекта «Чытаем па-беларуску з velcom» у Оршы вы знойдзеце ў далучаных файлах.
Каб атрымаць інтэрв’ю з удзельнікамі, а таксама фота- і відэаздымкі ў навучальнай установе, просім вас акрэдытавацца на мерапрыемства. Заяўкі прымаюцца на адрас chytaemby@gmail.com або па нумары +375 29 580 40 83 (Катажына Валкоўская), а таксама +375 29 123 43 80 (Вераніка Макарава)
Дзе: Гімназія №2. г. Орша, вул. Леніна, 41
Калі: 15 сакавіка ў 11:30
Будзем вельмі радыя бачыць вас на мерапрыемстве! |